【绽放2012】水芝越团餐庆元宵

       屋企人团咗水芝越越南餐厅的4人团餐，元宵节咁啱又系某某小盆友的生日，晚上就去个道开餐了。餐厅在珠江新城的高德置地5楼，个道成层都系唔同风格的食肆。水芝越餐厅的面积唔大，但装修布置几有东南亚风情，灯光幽暗，颇有情调，几啱情侣或3、5知己食嘢倾计的。

       我比较迟去到，佢地已经开始食了。所以有滴出品已经食咗部分，就冇影到相。我一坐低就马上影咗嘀稍微完整嘀的菜，至开始食~~去片。。。

      冬阴功汤~~~味道唔错，酸酸辣辣好开胃，不过唔食得辣的可能顶唔顺有几只大头虾、花

甲、草菇、番茄、香草等。。。

       火车头汤粉~~~有几片肥牛（食落好似嚼紧块烂布咁样）肉丸、牛肚的汤粉，味道好淡，一

啲都唔好食~~~对比起越潮栈的火车头真系差得远了


       椰香咖喱虾~~~虾都有几多只，不过头大壳厚，肉唔系好多，味道还好，唔系好辣，下面有洋

葱、土豆。。。

马拉盏炒芥蓝~~~味道几好，菜几脆嫩。。。

       西贡明炉乌鳢~~~应该系生鱼吧，叫法唔同，酸酸地，但盖唔住腥味，可能系鱼唔够新鲜，煮

得老咗嘀，所以食落麻麻地。。。

       越式烧鸡卖相几靓，第一时间寿星仔已经夹走咗块鸡中翼啦，应该味道唔错，因为嘴刁

仔搏命食依碟。。。

       鲜虾纸米卷同越式春卷已经夹散晒，唯有拼埋补影张吧~~不过依两种卷都整得几好食，点

埋嘀酸甜汁仲好味~~~我比较喜欢纸米卷的皮几爽滑，味道清爽，有鲜虾夹住。春卷香口

嘀，但唔觉得腻。。。


菠萝海鲜炒饭系依个餐中最好食的，料都几多，好似有虾油炒，几香口，嘴刁仔赞佢呢~~

另外加咗个炒粉，味道亦好好，带些微酸酸甜甜的味道~~~

补多张春卷相。。。

       仲加咗个上汤浸菜心，味道好淡，汤好油腻，一啲都唔好~~

最后仲有奶茶，冇闻冇味。。。。仲不如饮佢杯柠水

       埋单系201，团餐咁计都几抵食，有几样菜都整得唔错。系珠江新城咁样价钱还算可以吧。

             搭埋尾班车，发埋依个贴，多谢留印加分！！