深夜食堂2～～～奶油炖菜&“魚花”鱼开边烧

酒肴5种

鱿鱼肝酱油渍鱿鱼、炸鲭鱼南蛮渍、杂丝拌干贝、烤明太子、味噌酱油渍鱿鱼，5款菜式味道均以咸鲜为主，配合烧酌比较适合～～～

奶油炖菜

上次笹原先生话煮制嘅时候会使用1块house嘅奶油炖菜白汁块，不过最后都无用到，完全系自调酱汁～～～

哩个野好适合天冻嘅时候吃，刚好我哋去嗰日又少少降温，吃哩个野比较适合……主要材料系薯仔、红萝卜同鸡肉，吃落奶油味道充足，材料煮到比较焾，同酱汁配合得几好……不过非常饱肚……

天妇罗

虾、穴子、墨鱼、JP茼蒿、鲜菇、蕃薯、茄瓜，蘸料系海盐加胡椒碎，另外一种系豉油出汁加萝卜茸、姜茸……外层几脆，材料自身鲜味突出，不过始终觉得含油稍多～～～

烧开边（魚花）鱼

（魚花）鱼嘅初加工有啲似我哋嘅一夜情咸鱼，经过风干，去除左部分水分，肉实左啲，不过就唔系全干嘅咸鱼甘……鱼肉吃落咸鲜，不过细嚼之后有一种特别嘅甘味（有轻微嘅苦嘅感觉，不过就唔系苦），哩个味道比较吸引我，所以我吃得较多啦……

甜虾刺身二色

同行嘅一个朋友比较中意吃甜虾，所以叫左哩个……

海盐风味拉面

又叫左哩个……今次要求多油哇，所以汤面上面漂浮住好多入口即化嘅肥肉，好甘香啊～～～

店长炒饭

突然想吃炒饭，不过唔知点边种好，所以就交由老板决定，老板就整左哩个叉蛋炒饭，虽然饭粒无完全散开（下次同渠讲下要用冷饭炒先得，哈哈哈），不过饭表面无糊化，咬落有韧性，油香充足，不过油稍多，但系啲叉烧粒（JP叉烧）肉香充足，而且加入左洋葱粒，吃落的确香，令到连连叫饱嘅朋友都吃左3碗～～～

以下系吐糟内容，不喜勿阅……

下图系之前响一间做大排档起家嘅餐厅（放心，唔系炳胜）点嘅炒饭，都系叉蛋炒，饭粒松散，咬口爽韧，好过好多大店出品，而今次刚好响兄弟船吃嘅都系叉蛋炒饭，发觉出品都优于好多粤菜大馆，莫非真如朋友说讲“连锁经营导致传统粤菜没落”