【绽放2012】农汤小厨

       每年的年饭我家都临近一个礼拜才定，比较即兴。市内的大小食肆基本上都系分上下轮的

贵价饭堂餐，真系俾得起钱食都未必有好嘢食。往年我地一系屋企打边炉，一系改中午食。今

年我原本打算自己试下学做盆菜，但佢地以为好麻烦，所以最后都系改中午食，不过系出市区

食。我之前试过去佛山禅城区的一主打老火汤的小店食，当时饮唔到老火汤，但生滚汤都做得

好出色，所以就提议去食，依间店就系叫农汤小厨啦（其实我见其招牌都系“农汤”，不过DP上

系多咗“小厨”二字）。

        怕好似上次咁样冇提前订汤，搞到饮唔到，所以一早就订咗个蚝豉大脷汤（够晒好意头

）。我地中午12点前就到了，餐厅居然正在搞卫生。。。唔知该话佢早还是咁迟搞卫

生了。影下环境先。。。

环境都几干净企理，个日中午落住细雨好阴冷，我地拣咗偏厅的细枱坐。依道系农家feel，所以

见到有大大只的公鸡碗。

       总共点咗6菜1汤，上菜好快。第一个上就系煲蚝豉大脷汤了，先装好一人一碗汤，仲有碟

大得惊人的汤渣去片。。。

块莲藕足有拳头咁大，有蚝豉、猪骨、猪脷、蜜枣、莲藕等，净系食完嘀汤渣都足够饱肚

了！刚啱开始食，突然”嘭“一声巨响，原来系个工仔唔小心跌烂晒嘀茶壶。。。个部长气急败坏咁讲”你数下依道有几多蚊~~“阴功~~~靓仔过年的加班费冻过水啦~~~唯有帮佢默念3次”落地开花，富贵荣华“啦。。。。。。

       继续食啦，上的系肥叉炒芥蓝苗，嘀肥叉食落都唔算好肥，但好好味，芥蓝好爽脆嫩口

跟住上的系脆皮盐焗鸡，某某小盆友啱晒啦，佢食过话皮好脆好香~~~

依碟松子玉米炒丁好大份，材料都几丰富，味道刚刚好，唔会太咸太干身~~

       又系一碟份量大的，煎瓤豆腐，睇落唔算太靓，但豆腐相当嫩滑且好有豆味，煎得几香

口，可以讲系我食过的最好食的煎瓤豆腐（暂时~~）

部长一直推荐烧鹅同牛仔骨，佢地唔多中意，点咗依碟烧腩仔，上台睇落比我地预期的肥好

多，但皮真系好酥脆，连怕食热气嘢的老妈都赞好食~~如果瘦返嘀就仲正啦睇来依道的烧腊

做得应该几好，下次有机会一定要试下烧鹅。。。

年饭又点可以冇鱼呢，见DP话依碟煎马友唔错，就点来试试。马友我记得好似系指咸鱼，依道

的马友原来系马鲛鱼。煎得金黄，有半个鱼头半边鱼尾，都算系有头有尾啦~~~肉质比

较实在，都几香口，但比较咸，送饭就差唔多~~~

      依6菜1汤的份量都等于平时点菜的中牌，所以我地6个人根本就食唔晒，多两个人都绰绰有

余~~出名嘴刁的某某小盆友胃口好好，饮咗4碗汤，餸亦食得比平时多~~~埋单系330

几蚊，都唔算贵，且个个都食得好满意。打包满满两大盒，下次有机会要试下其他汤。走时食

客至慢慢多起来~~~最后补返张汤煲相，之前食到唔记得影，后来汤都所剩无几，就冇影了。

                     欢迎大家留印加分，多谢