【绽放2012】布吉PP5天游（搞掂啦）

占楼

DAY--1 广州--香港--布吉（全天不含餐）

13:00系乐嘉路集中，坐车去东莞虎门；16:00搭船去香港，于香港机场（23:20）直飞泰国布吉。

-----------------------------------------------------------------------------------------------------------------------

实况如下：

 今日一早起身食饭之后就出发去乐嘉路啦，原来我哋今日个团有好多来自其他地方嘅团友架，佛山啦，小榄啦，之类嘅~难怪要HK出发了！！

占楼

DAY--2 布吉岛--攀牙湾007岛--皮具中心

 酒店内早餐后，乘车前往码头，转乘长尾船游览有“海上小桂林”美誉的攀牙湾，观赏星罗棋布、嶙峋突兀、雄伟壮观的景色，以及由石灰岩所组成的大小岛屿以及万年钟乳石，眺望最著名的因拍摄电影007系列--金手指而闻名于世的007岛（全程共约3小时）。午餐安排筑于水上高脚屋的海上回教村享用海鲜餐，参观有200年历史的马来黎族人回教村。随后放回布吉市。接着参观皮革中心（约45分钟）。晚餐后可自费参加泰式古法按摩，环节一路疲劳，或自费观看注明的泰国人妖表演。

-----------------------------------------------------------------------------------------------------------------------

实况如下：

 经过接近3个钟嘅飞行，我哋终于到达布吉啦！！！虽然相机显示时间是3:40,但是因为泰国同我哋有1个钟嘅时差，佢地慢我哋一个钟架！呃~我嘅包子面出来献丑啦~

 过海关果时稍微有dd唔开心啦，因为果度嘅海关竟然公然问我哋要钱啊！！佢地仲惊俾摄像机影到，低住头好似念经咁讲“十块钱”！！！！而且，离谱嘅是佢地惊你俾10铢，讲埋话“人民币，十块钱人民币”~真是想讲粗口啊，我哋签证果时已经俾咗230啦，宜家仲要俾...但是passport系佢手，唔俾又无得...唉~当破财挡灾啦！

 从海关到我哋前3晚嘅酒店大概15分钟车程，我哋是住布吉东面嘅游艇会~所以我哋同布吉西面嘅卡隆海滩之类都无缘啦~不过其实如果想去，都是30分钟左右嘅车程啦！

  酒店嘅房间都颇大，而且从窗台望出去可以见到泳池，风景唔错！！

 因为妈妈训唔着，于是就影到布吉日出啦！摄于当地时间630

 然而作为一名死懒鬼，我都是坚决训到当地时间8点半先起身嘅~哈哈哈哈哈哈哈

 个泳池望上去都唔错啦！！

 我哋部bubu已经等紧我哋啦~

 换好衫准备落楼下食早餐啦！！！by the way，因为泰国是小费国家，所以我哋每日要俾20铢嘅床头小费房间架~

 餐厅就系lobby隔离，建筑风格好东南亚~无空调，但是风扇系头顶慢慢吹都唔会觉得热~当日当地气温是30度左右~

 呢只黑鸟日日我都见到佢，佢好似来巡视我哋食d咩，有无浪费食物咁啊~

 是日早餐：鸡蛋+肠仔+面包+番茄+水果！！唔知点解，本来唔多中意食鸡蛋嘅我来到布吉竟然疯狂食蛋不过，佢呢度d炒蛋真是好好食咯~而呢个早餐组合都成为我接落来几日嘅早餐组合！！

 系向攀牙湾出发嘅路上，呢个人唔知系度做紧咩呢~后边是泰国除咗旅游之外嘅另一大收入来源--橡胶树！！

 途径布吉嘅一d路，有d似农村，但是，好舒服~不过都是要讲一句，布吉嘅城市规划真是比较差！！！d路弯弯曲曲咁嘅~

经过总共约45分钟左右嘅车程之后，我哋终于到咗攀牙湾嘅码头啦！！！

好多长尾船系度等我哋啊！！话说，长尾船其实是布吉嘅特色来嘅，船头比较长同高~不过因为当日天气麻麻地，所以有dd担心啊！！

 睇下呢只船几colourful！！

 呢个就是特色船头咯！！！

 系攀牙湾，除咗睇水，睇山，仲可以睇红树林！红树林只会生长系咸淡水交界，对生态好有益嘅一种植物~系广东，深圳好似有但是唔开放俾平民参观咯~但是呢度，就有大大片红树林任人睇啦！！！

 再次强调，当日嘅天气真是唔是几好，好大雾啊~而且仲有dd雨~不过，咁样我哋就可以睇到唔一样嘅攀牙湾啦！

攀牙湾又有“海上小桂林”之称，d山都是奇奇怪怪咁嘅~不过好特别！好似刀片一样嘅山上边居然全部俾植物覆盖晒啊！！

 呢个被称为“麦当劳山”~好吧，真是有d似M字咯！我觉得似猫耳朵！！

刀片般嘅山~

 今日个天都是灰灰暗暗咁~不过有d雾遮住d山又有dd似仙境咁咯！几得意几靓啦！

 系海上颠簸半个钟之后，我哋到咗午饭嘅地方--海上回教村！建筑风格同我哋嘅吊脚楼有d似，都是用d好长嘅木杉顶住件屋嘅~但是佢地d屋好colourful！奇怪嘅是佢地d人好多都识一两句中文，果然是因为我哋嘅同胞太米啦！！我哋午膳嘅餐厅叫“甲桂林”，好搞笑啊！！睇翻d攻略先发觉好多团体游都是来呢度食饭嘅~

 系呢d柱上边有好多唔知是寄生定是专登整上去嘅贝类同海草~

 见过未啊？玻璃樽装嘅1.25升可口可乐啊！！！我就第一次见拉！！同行嘅团友仲打包咗呢个樽翻广州添啊！！！好犀利啊！！！另外，系泰国冰水系免费嘅，如果要热水啊，麻烦另外俾钱啦！！

 已经系微博曝光过佢一次架啦，但是都是忍唔住要讲多次啊！！呢d嘢叫椰子蟹，坑爹到不行啊！！！完全无肉食，而且唔是只只有膏！！！坑死啦！！！！

 系餐厅外边有两只细细只嘅鹰可以同人合影，但是麻烦俾咗钱先啦！！好似要100铢啊！！！我是穷人家嘅小孩子，都是偷拍算啦！！

 餐厅内观~

 食饱饱之后我哋再出发游船啦~呢个是我哋今次行程嘅重点--007岛！！！据讲唔知第几集嘅007就系呢度拍嘅！！！但是因为当日风浪太大我哋唔可以靠近，所以只可以影到咁样咯~不过我觉得可能是因为我哋d团费太平所以无得去咯！中国人中意叫呢旧石做“大白菜”，我就觉得似嘅骷髅头啦！！

 又是一个俾中国人改名嘅岛--面包岛~唉，点解我哋改嘅名都是同食物有关架！难怪第四日我哋去毒蛇研究中心个导游话如果d蛇去咗广东应该渣都无得剩啦~惭愧啊！！！

 攀牙湾地貌~钟乳石来啦！！！

 因为我哋回程途中实在是太大风雨啦，我哋个个要担遮来挡雨，搞到都无咩点影到d相啦~真是对大家唔住啊！！！不过同我哋预订行程唔同嘅是，我哋今日无去购物点--皮革中心咯！不过迟早都要去嘅·~当地陪体谅我哋累唔使我哋咁辛苦咯！

 而当晚，我哋食饱之后就去酒店外边嘅7仔购物一下， 因为我哋发现伙食其实真是麻麻地，要补充下d粮食同埋水啊！！系散步翻酒店过程中我哋影到好靓嘅景色啊！！！

 我哋间酒店被称为游艇会，游艇就梗是唔少得啦！！！游艇出场啦！！！

 酒店正门外嘅灯饰！影呢张相嘅时候突然发现天好靓，于是~

 可惜夜景模式都是太多噪点，不过都依然好有明信片feel啊！布吉旅游局快d同我联系要呢d相来做明信片啦！！！点解人地个天可以咁靓架！！！

 第二日行程结束，明天见拉！！

占楼

DAY--3 布吉岛--PP岛--布吉岛--燕窝展示中心

 早餐后乘大船前往PP岛（约2小时），此岛被泰国观光局列为喀比府风景最秀丽之国家公园，亦为欧美旅客最向往之度假胜地。电影“海滩”在此拍摄后，又再次掀起旅游热潮。在PP岛享用午餐。餐后客休闲自由地在海滩游泳浮潜或来个热光宇，或者自费出海环岛游，让你偷得浮生半日闲。下午乘坐大船反悔布吉岛。参观燕窝展示中心（约45分钟），晚餐后反悔酒店休息

-----------------------------------------------------------------------------------------------------------------------

实况如下：

 用导游嘅话来讲，今日是我哋成个行程入边最精华嘅一part啊！！所以我是超级期待嘅！！另外都是因为我已经交咗3800铢嘅自费快艇游~

 终于都到码头上船准备出发啦！！！好期待我嘅第一次浮潜啊！！！

 搭快艇都只可以系开头影几张相啦~不过布吉点可以咁靓架！！随便影都好靓啊！！！

 经过大概45分钟嘅颠簸船程，我哋终于到咗小PP岛啦！！！系呢45分钟入边我哋几乎全程用毛巾遮住自己唔好俾d海水打到啊！！所以都无咩点影相！但是，当我哋落船之后，我哋就见到仙境啦！！！！怎么可以咁靓靓架？！

 记得呢件衫么？我系购物果边晒过架~哈哈哈哈哈哈~妈妈话我呢张相好似晾衫啊！

 呢度是PP岛嘅情人沙滩，d沙好细，好似面粉咁啊！！！好多鬼佬都中意来呢边潜水，贪d水清而且又多珊瑚！！不过佢地自己来嘅就会租呢d好似独木舟咁嘅小型快艇咯！

 系沙滩上边仲时不时有好多马骝嘅出现！但是呢d马骝就唔是几友善啦~佢地自己本身都会成日打架，仲会翻我哋d行李睇下有无嘢食~我哋个地陪就要成日用支木棍来驱赶佢地咯！但是只要你俾嘢佢地食，佢地就会坐定定俾你影相啦！

 睇下d水几清几靓几多鱼！！！今次去泰国最可惜嘅就是无带三防相机去，唔可以影到海入边嘅景色咯！！明明有好多好靓嘅珊瑚同海星都影唔到！！最搞笑嘅是，我哋仲抓到唔少海参，但是船家话我哋唔可以抓走佢地...海参好大条啊，有我手掌咁长啊！！！仲有 ，我见到传说中会带来好运嘅紫海星啊！！！好开心！！！

 大概系小PP潜咗个半钟之后，我哋就出发去另外一个地方游水啦~导游话如果当日真是一d风都无嘅话，呢度是可以好似块镜咁平静架！！而且呢度仲有三之色嘅海水添！！好神奇吖！！最最重要嘅是，燕窝洞就是附近，我哋可以顺便睇埋！

 呢度就是燕窝洞啦！采燕窝嘅都是呢度嘅吉卜赛人，但是虽然都是叫吉普赛人，但是同欧洲嘅人是好唔同嘅！！我翻来之后查过资料，其实佢地是泰国当地嘅土著，以前佢地嘅名声唔是咁好咯，因为佢地是以掠夺好似海贼咁嘅形式生活嘅~PS，泰国政府好重视燕窝洞呢边嘅保护，乱咁上去d人可以打死你地但是唔犯法架！

 睇下d水几靓~秒杀海南岛啦！！！

 勉勉强强咁睇到小小三色啦~左上方是深蓝色，右上方是白色，其余就是透明嘅浅蓝色！！

 呢张，真是同当地明信片嘅角度一样架！！！

 中午我哋去大PP食中午饭，都是一般啦！我始终觉得甘多日咁多餐，都是早餐是最好嘅！！

 大PP系我睇到嘅范围内就麻麻地啦，海边嘅大排档环境就麻麻地，但是后边就有条商业街，果度好多手信卖！我寄翻中国嘅明信片都是系果度买嘅！10B一张！

 食饱饱之后我哋就去帝王岛继续潜水~帝皇岛都好靓，但是唔知点解系帝皇岛背面就超多中国人咯，我当时仲以为自己系海南岛啊！！！相对来讲果度d水都无咁靓！！比较多垃圾！！！反而去我哋停船嘅地方潜水就会见到好多鱼~同好多好好身材嘅鬼妹~搞到我好自卑啊！！

当晚我哋大概系当地时间5点钟翻布吉，系布吉码头用d干净水来冲洗一下咁咯！不过其实当地嘅水压都比较低，成日好似无水咁嘅~建议各位要冲水就真是冲下好啦，唔好落沐浴露啦！

 我哋果晚食咗我哋咁多日以来最好嘅一餐--韩国烧烤！！我终于可以食肉食到饱拉！！！好满足啊！！而且我哋仲买到超平嘅水果！！同手掌咁大嘅芒果50B一公斤，我哋买两个先至20B；莲雾80B一公斤，4个就36B!!!除以5就是人民币嘅价钱啦！！！！如果海关OK，我想买几斤翻广州啊！！！！

占楼

DAY--4 布吉岛--珍宝苑--蛇园--海龙寺--吉卜赛渔村--神仙半岛

 早餐后前往参观世界最大的金氏记录珍宝苑，具有ISO9001质量鉴定保证的珠宝展示中心（约45分钟），泰国是世界红蓝宝石的主产地之一，您可再琳琅满目的珠宝中心选购工艺精细的珠宝饰物并有保证书及售后服务等双重保障。午餐后前往毒蛇研究中心（约45分钟），在此可观赏精彩刺激的人蛇表演。随后参观游览海龙寺、吉普赛渔村、神仙半岛，观赏美丽的印度洋景色，参拜当地最大的四面佛，晚餐后送往酒店休息。您可自行前往芭东夜市，漫步街头，感受布吉夜色魅力。

-----------------------------------------------------------------------------------------------------------------------

实况如下：

 如果有留心睇上边d行程就会发现本来嘅购物点全部无晒~点解，因为要今日同听日一次过解决咯！and因为今晚我哋要去一间超靓嘅酒店度住，所以我哋今日仲要执包袱~

  搞掂晒所有野之后我哋就出发去珍宝苑啦！果度离我哋嘅酒店大概20分钟左右啦，其实之前都见过佢几次架啦~呢个其实是集团经营嘅，系曼谷，芭提雅好似清迈都有！佢就自称是worlds biggest jewelry store啦，入边就真是几大啦，可惜唔俾影相~

 不过蛊惑如我，都是系入边影咗呢对象仔~好中意啊！！不过好贵啊！！要800铢啊！！！不过系呢度都有收货嘅，就是买咗一大堆香薰来做手信咯！而我妈咪~~~~~应验咗一句话就是“千祈唔好俾女人行珠宝店”咯~可怜我个荷包再一次出血！！！！

 系珍宝苑隔离就是土产店~据讲个老细是潮汕人来架！！！入边d嘢有dd贵啦，不过都OK嘅~d类似薯片咁嘅嘢好食！吉祥物都好得意！！

 中午食饭嘅地方~好搞笑嘅名，摆明做中国人生意啦！

 布吉人都中意骑楼，系餐厅望出去好多新起嘅楼都是骑楼式嘅风格！

 下午我哋去睇咗果个咩毒蛇研究中心，首先就是睇d蛇嘅表演之后就是sell蛇药~原谅我真是好惊蛇呢种冷血动物，相真是唔多同埋唔是好想影咯！！

 之后我哋就去咗查龙寺（好似又叫海龙寺吧），入边有四面佛又有如来佛~其实当地嘅寺庙真是唔错，因为佢地会提供免费嘅教学俾d贫穷嘅细路，呢点其实好过我哋伟大嘅祖国好多咯！

 听讲7仔嘅老细是泰国人，所以7仔系泰国相当之嘅流行，几十米就有一间啦！！！超夸张！！！

 之后我哋去睇佢地嘅吉普赛村，其实就是一堆铁皮屋。我哋嘅地陪就好似唔是好中意佢地啦，但是我觉得无咗佢地就无人去采燕窝啦，其实佢地对泰国都是好有贡献嘅！

 之后我哋就去咗神仙半岛度度过我哋剩低嘅呢一日啦！果度无咩树，可以直接晒熟我啊！！！不过就真是好靓咯！！say hi to 印度洋！！！

 果度都有一座四面佛，而且周围仲有好多象仔公仔！听讲，如果是象鼻向天就代表聚财啊！咁我买唔起都影多d先得，快d帮我聚多d财等我又可以来多几次啦！！！！

 我身后就是印度洋啦！！！！真是海天一线架！！！

 上边呢张超似明信片啊！！大爱啊！！！

占楼

DAY--5 布吉--腰果土产店--自由活动--香港

 今天是一个没有morning call的早上，睡到自然醒，体验真正的度假悠闲，午餐后送往购买腰果、水果加工食品等土产店，选购自用送礼两相宜的礼物。之后自由活动时间建议在布吉市区最大的百货商场 central 百货自由活动。这里有各大世界级精品名牌进驻、各种高级饰品、家电用品、化妆品等等，让你尽情购物，再这里总能找到赠与亲友的纪念品。晚餐后由当地导游转车送往布吉机场办理离境手续，乘坐次日的国际航班飞回香港。抵达香港机场后结束愉快的旅途。

-----------------------------------------------------------------------------------------------------------------------

实况如下：

 之前都同大家讲过，我哋最尾一晚会住系一间再好d嘅酒店嘅~但是真是估唔到会咁好咯！仲有wifi添！！阳台直接同游泳池相连，比游艇会更加大嘅房间！！amazing！！！！

 系阳台跨出去就是恒温泳池啦！！教我如何不爱你啊A2！！！

 虽然餐厅系咗dd，但是有wifi可以打低任何嘅小问题！！！

 系我哋阳台影出去嘅，超爱鸡蛋花啊！！！

 中午同夜晚食饭嘅地方~但是海鲜同鱼翅我哋一d都无食到咯我想讲~

 下午其实仲去咗两个购物点嘅，皮革中心同埋燕窝中心~但是穷人家嘅小孩子买唔起，算啦！

 之后我哋去咗central百货度shopping！有睇过攻略嘅人都知道嘅地方啦！对面就是big c啦！呢度真是好适合女人败家啊！！

 麦当劳叔叔原来都会入乡随俗~好搞笑啊！！！

 central 全貌~系布吉呢d咁嘅百货公司都超大间，好夸张啊！！就连易初莲花都是咁嘅size先夸张啊！！

 晚饭之后就再去易初莲花逛逛，但是我已经买到身无分文啦~都是得过行~

 12点之后就到咗机场办离境手续，2点嘅飞机一再delay之后，我终于都要离开布吉啦~好唔舍得啊~~保佑我搵多好多钱可以来多几次啦！！！hope to see u soon!!

布吉提醒：

1. 今次旅游我最后悔就嘅无买到三防相机去泰国，搞到影唔到海底嘅景色，明明睇到好多好靓嘅嘢都是都无办法影低~好心痛！所以如果要去潜水，最后就是买部三防相机去啦！听讲HK卖几百蚊部咋！

2. 去到泰国免不了要打电话翻来报平安嘅，机场系白天有免费sim卡派。因为我哋半夜到就无啦，但是都可以同导游买嘅，20蚊人民币一张，入边有50铢，true呢个牌子嘅。可以选择高清通话就3铢一分钟，普通嘅就1铢一分钟（但是d语音就有延迟咯，好似qq通话咁）。如果用晒要充值可以去7仔充，50铢就够啦！

3. central是一个购物嘅好地方，入边嘅levis竟然只是1990铢，仲可以打7折，买够2000铢仲可以退税！！！超抵啊！！但是我就建议系central自己嘅百货公司买咯，如果系levis嘅档口就会贵dd~而且central入边一楼系卖化妆品嘅， 我系入边嘅欧莱雅专柜扫咗两罐HY面霜，一支HY化妆水，一支美白化妆水先至876铢，全部都是印度尼西亚出嘅；仲有倩碧黄油，现金付款9折之后都是1350铢~点解可以甘平啊！！！仲有7%嘅退税啊！！！！！！不过系central入边嘅买嘢是要用现金或者visa嘅，银联无得~建议去柜员机拎d铢铢出来比较好，柜员机嘅汇率点都高过同导游换啦！！而且我哋d银联就是呢度同埋超市、7仔唔用得咋！ 办理退税嘅柜台系3楼，同levis嘅是同一层。但是central入边嘅超市就唔是好推荐咯，比较贵~但是入边有60蚊人仔唔使嘅3段奶粉600g装卖，应该对师奶们来讲就最吸引啦！哈哈哈哈哈哈

终于搞掂啦！大家快d来加分啦！！

无插播无插播~

呢个都是我见过最早嘅加分啊~未写完就加分~

多谢你啊！！！等我5号嘅汇报啦！！！

亲，我回来啦！！！但是今晚传图片好失败啊~成日都食叉烧包啊！！！

我今次唔是包机，香港航空都唔好咯！！！

咁就唔知啦~但是如果连最出名嘅南航都是咁就麻烦啦！

我原来以为包机会好d添~原来实情是咁~

人地系泰国啊，我哋点曝光啊~