第一次胎监后感

之前好似都冇点写过关于窿窿既事。寻日产检第一次胎监之后，有D冲动写。

系胎监前呢，都听过唔少妈咪讲过之前既经验，话好多BB都唔多配合，人地胎监既时候就觉觉猪，胎监完先起身活动，人地一做胎监又开始觉猪，搞到好难监测到。

佢地话医院D护士会要求你食饱先来检查，如果个B训紧，就会推你下个肚，甚至拿个闹钟来嘈醒个B，等佢醒咗之后先检测胎动情况。

嗯嗯，呢度稍微讲下，据我了解，胎监就系通过仪器检测胎动、宫缩同胎心既情况来检测BB有冇宫内缺氧的，胎动、宫缩既时候胎心就应该跟住增强，而心率同胎动频率的范围都应该符合标准。

检测完之后就会有评分表啦，满分10分，8分以上正常，越低分就越危险。。。大致系咁理解了。所以一定要BB醒咗，有正常活动先可以检测到。（胎监一般就20分钟，如果20分钟都系度训，就梗系唔郁，唔郁就冇数据咯。。。）

只窿上次照B超既时候发现有绕颈，所以医生就话要留意胎动，而且提早一周开始帮我做胎监（正常系下周先开始做的）。

我当时就系度谂了，如果佢训咗，要点叫醒佢呢？如果佢懒训，咁米好麻烦咯（虽然佢平时唔懒训，都系活跃型的）。

所以我一边行去胎监室，一边都系咁拍佢：喂，唔好训啊，做检查啊~啪啪啪。。。（系米好粗鲁？）

去到胎监室，医生问我食饭未，叫我去定厕所（因为成个胎监过程要30分钟训系床度的），中问我系咪第一次，搞到我都好紧张。

训低准备做胎监了，我又系度担心只窿有冇训咗既时候。突然被医生开始蹂躏我个肚（我LG系隔离睇到眼都突埋），感觉就好似隔个肚皮同只窿“按摩”咁，由脚摸落个头度，又由个头摸翻上只脚。。。

佢摸既时候，我已经觉得只窿开始有反映了——我之前担心都系多余的，如果次次胎监都会咁样蹂躏一翻先胎监，只窿训到先奇咯。。。（何况呢只嘢最唔耐烦人地搞佢的~）

设置好晒D仪器之后，医生叫我保持左侧45°侧卧，就咁训20分钟（个姿势辛苦到。。。）。我LG系隔离边同我吹水边打机，我就好无聊咁望住台机器既数据。

因为太无聊，所以同LG讲话人地话胎心可以辨男女既讲法（150以上系女，140一下系仔），然后我地就好似睇股票交易市场板块咁，一有变化就系度讲，时间总算快过D。。。

胎监过程有个环节我觉得都唔错的。平时胎动呢，我地可能系摸住个肚，FEEL到佢踢，又或者睇住个肚皮见到佢郁，而胎监就可以将胎动边成声音拨出来，感觉都几过瘾！

特别系呢只窿，平时就对于D“骚扰”佢既人或物好有反应，所以佢呢次都唔例外，对绑系我肚腩上面既果旧仪器好有“兴趣”，时不时对准就俾几下，跟住就会听到胎监音发出D“咚咚”声，我地听落去就好似拆屋咁，都几搞笑。

呢次算系好顺利，因为佢比较配合，哈！难得咁乖噶。。。希望之后呢段时间都乖乖地配合医生检查就好了，米先人吓人系冇药医的。。。

好啦~讲完~多谢收看~~