我在温州丢了爱

我系广州人，虽然唔系独女，但系屋屋入面，我最细，屋屋人最锡我。

过分的保护令我从来都好少独自离开过广东，甚至系广州。

但上一年哩个时间，2011.01.15日早上11点……

我一个人，拉住一个旅行箱+一袋行李，去广州火车站坐火车。

目的地：浙江温州。

第一次离开广东地区，第一次坐火车，第一次一个人出远门。

我清晰咁记得我姊妹买M记比我送我入候车室果阵，依然好担心我会出事。

至于我去温州的目的，为佐一个人，一段情，一个童话。

一个永远唔愿意醒但唔可能变现实的童话。

果个人，系我最后一次以学生身份参加军训的教官。

亦系我当时最爱的一个人。

系温州10日，佢处处陪住我。

哪怕刚好佢战友去佐佢度玩佢好多时兼顾唔黎，佢依然将大部分时间陪住我。

我地去佐好多地方玩，其实都系佢屋屋附近而已，但我已经心满意足。

作为一个第一次离开家乡噶我黎讲，我见识佐好多之前唔知噶野。

例如：温州平阳鳌江果边，D居民门口系广州铺头门口咁大的，正面基本系以金属门代替墙的，通常仲会加个铁栅。反而铺头噶门有d会好细……

          我落车时间系早上五点几，佢未出黎接我。我系附近食粥。唯一我觉得熟悉噶字眼系：皮蛋瘦肉粥。咁我点佐碗后发觉…好难吃。最后我选择佐…白粥。

          我发觉温州平阳系无M记，只有KFC…好彩上车前仲食佐次，呵呵。

          温州平阳噶公交2元汽车3月份先开通。之前都系私人承包按路程收费噶。

          温州平阳买噶服装同日用品精品价格系广州同类商品噶2倍。

          温州平阳地区噶家庭热水多数都系用太阳能噶。

          温州噶空气冬天哪怕落雨都好干好干。

讲番我同佢。

果几日我地过得好开心。

但其实我一直知道，由我入住佢屋屋第一日开始，佢就已经被佢妈咪不断责备。
佢妈咪反对佢带我番去住，而佢坚持。

最后连佢爸爸.家姐.堂大佬.吖姨都知道晒……

我真系唔想佢难做，而且都已经离开佐屋屋好多日了，所以我亦都选择佐直接翻广州。

翻到黎，我同佢因为好多好多原因哎交，虽然最后都会好翻，但有一次……

佢话：没用的，我妈不喜欢外地的。

我觉得哩样野已经彻底打败佐我，所以我选择放弃。

一切噶美丽回忆都停留系温州，至今，我仍未放低，而佢早已同佐第个了。

其实，我都知只系我傻，但我唔后悔咯。

一年了，纪念下吧。

当时影佐好多相噶，不过好多比我删佐了，净低d风景相有机会上存哈。