好主意~食到好饱饱~~

25号果日好lucky甘接到电话，周六既午餐又有着落了~~~11点9左右去到，地方唔系好难稳，其实就系大佛寺and 银记对面。门面响骑楼下面，唔会好大，不过有3层，d楼梯真系够晒曲折，无办法啦，呢边地头贵啊~！！！

似乎我系最早果个，签到之后，其他人员陆续来到，先影翻d菜单先，呢个食街地段，讲真d价钱就唔会太贵嘎啦··同北京路其他地方差唔多啦~~~









boss几后生下~而且好好人甘等我地自己先点想食既野，然后再上我地试食既菜，甘我地今次就会试食多几样野了。

一、小食类

从左至右，从上到下为（以下图片亦一样）：

瑞士鸡翼（类似豉油鸡既味道），橙柳烟鸭胸（呢个好好食啊，橙既酸甜味同烟鸭胸搭配起身令人回味无穷啊~~）

沙律（配料都几多，有炸面包，烟肉，生菜等等，仲洒左d芝士粉），意式焗薯（原只焗薯，原汁原味）

意大利白酒煮蚬（酒味唔浓，分量稍微少左dd），肉酱焗薯蓉（酸酸甜甜味道唔错），芝士焗双花脆皮肠（本来呢个我系非常大期望既，不过脆皮肠却令我失望，唔脆，而且味道一般。虽然芝士味and西兰花and椰菜花搭配得唔错~~）

二、饮品and汤类

拿铁（我点既，因为太多人点奶茶了，所以我就点左拿铁，拿铁好香好滑，奶味比我平时响出面饮既要浓一d，口感唔错）ps：其实我真系好想试奶茶嘎，我最爱就系港式奶茶，boss仲话呢度既奶茶为左保证它正宗港味，每隔一段时间就会落香港车d原材料翻来呢边整~~~残念···下次去试！！）

周打蚬汤（无饮过，据闻味道几浓）

法式松露汤（依然无饮过····）

三、主食类

意大利香草鸡扒（煎得岩岩好，虽然d皮比较多，不过由于煎过，d油脂都已经煎晒出来，唔会好肥，味道ok）

纽西兰特级西冷扒（本住试食精神，我地点左2个不同程度既牛扒，一个十成熟，一个5成熟，十成熟果个依然都系比较嫩，唔会好韧，5成熟果个中间位置切开仲可以见到红肉，我就唔多甘食啦，so我试边位，红肉已经转淡，估计可能边位达到6-7成左右，口感会比十成熟既好d，霖上黑椒汁or蘑菇汁味道都好正，特别系黑椒汁，虽然我怕辣，不过黑椒我还是可以接受的~~~）

龙虾汁煎虎虾，呢个系重点啊···因为真系好好食，龙虾汁好浓郁，d虎虾味道够晒鲜，虽然我唔食虾头，但系睇到其他人食虾头都食到喋喋声，就知道好正啦···宜家系有个套餐包含呢道菜，可惜唔记得影套餐牌，貌似一人分量系68元，就系4只大虾，and其他饮品主食小食之类。呢个讲真都值得嘎···
四、继续主食类

鲜白菌汁大虾意粉：呢个又系我点既，因为大家当时都系点扒，我想试下d唔一样既野，稍微有少少味道淡，不过蟹子同d意粉一齐既口感好正，大虾其实就系普通既虾，不过稍微大少少，味道都唔错）

海鲜意粉（貌似配料颇多，不过后期因为太饱了，so无食到）

忌廉菠菜三文鱼天使面：原本以为菠菜系指有菠菜汁落去煮，点知原来系成条菠菜一齐煮，据闻d三文鱼唔会好腥，但似乎除左配料外，同大虾果款味道差唔多~）

泰皇炒饭，原本怕辣，不过既然话微辣就试试啦，果然我都可以食到，配料好多哦，啖啖都可以食到海鲜哦。如果中意食辣既仲可以点餐果阵同waiter讲明就ok啦~~

总结：

1、价位尚算ok，唔会贵到离晒普，当然亦唔系行平价路线，中中等等啦，呢个地段，食饭都系咁上下既。

2、如果系主打意粉，可能味道方面仲要加强一下，虽然款式较多，不过试过2款都系差别不大，maybe其他会有新惊喜？！对于我来讲，我会觉得味道稍微偏淡一d~~

3、牛扒分量几多吓，如果日常都系甘多就好罗~~扒类既价钱我觉得就稍微贵dd罗，唔知系咪料靓既原因呢？

4、值得一赞既系薯蓉，变化比较多，而且味道好好，就算系配菜既薯蓉都好好味，比我地全部食晒，而且薯蓉有部分系切粒来加强口感，唔错。

5、虎虾呢个好好食啊···不过个菜单上面既图完全睇唔出罗，应左果句“真人靓过上镜”啊~~

6、最后多谢送左vip卡比我地啊~仲有同其他人一齐试食都好开心啊~~多谢点评~希望以后多d类似活动啦~~~