第一次参加点评嘅活动，怎一个乐字了得

好开心啊，之前我都系抱住凑热闹嘅心理去报名呢次活动噶（因为之前我都报过好多次名去参加试食噶活动啦，但系都唔中嘅）。所以，当我接到dp噶电话噶时候，话我中咗米兰意大利西餐厅嘅免费试食呀，因为本来我都好中意食pizza噶，而且，呢次嘅试食清单里面，仲有我中意食嘅意粉，哈哈，开心s我咯

呢一日，我眞系好频扑呀，>_<本来屋企就住得远，而且，喺去之前，我又要去体育西果边攞啲嘢，真可谓係档期紧张呀

由于呢次係第一次，所以我好珍惜呢次机会噶，所以，下昼噶活动我都推咗咯，仲搞到俾人话我添，塞翁失马焉知非福最后，我嘅决定係正确噶，因为有一个咁难忘嘅“family day”

话说，我去完体育西之后，就“拿拿临”坐铁过去石牌桥（因为我之前有喺google查过，姖话喺石牌桥地铁站落车之后再行380米就可以到啦，姑且相信佢啦，）

点知，我出咗站之后，竟然要行好耐呀，我怀疑都唔止380米，3800米就差唔多（当然咯，呢个係夸张手法，哈哈），好在得tony噶指引，我先可以安全到达目的地咋（不过眞系5咪几好意思啊，迟到！！搞到其他tx喺度等我，>_<）

由于我迟咗过去，所以，门面嘅装修我都冇影过，555，不过大家可以去其他tx嘅贴度睇嘅，佢地有好多相噶

一入到店面，俾我嘅感觉，就会觉得呢度5咪好高级嘅地方，但系，如果你都系好似我咁谂噶话，你就大错特错啦，其实里面啲嘢都5嘢少噶，颇为之贵，而且，入到去，俾人一种写意&温馨嘅感觉，适合情侣聚餐、家庭聚会或者係朋友聚会咁咯（地方比较细，可能商务宴请5会好够位咁咯）

喺门口果度，我就见到有个外国友人喺度咯，可能係中午嘅原因啦，呢度都好冷清，但系，冷清嘅同时，亦都俾人一种好悠闲，好舒适嘅感觉，同出面天河嘅情况眞系好唔同啊，有种与世隔绝嘅feel

入到去里面，装修都唔错，格调亦都ok，嚟到呢度食嘢，就好似係一种同尘世间隔绝嘅感觉咁咯（好似讲得好玄咁呀）

仲有，呢度嘅服务员嘅态度亦都好好吖

我地成班人喺度食嘢就好似係family day咁呀，好温馨，好舒服，好自在

好啦，就等我介绍下我寻日食过啲乜先啦，哈哈，大家5好流口水哦，

呢个係凯撒沙律 ，我一去到就经已摆咗係台面上面啦>_<，眞系餸都摊到冻晒我先去到，再一次say sorry啊

个人感觉，呢个沙律几清新，做得算係最好係呢个啦，咸淡适中，岩晒我呀，红色果啲就係啲烟肉（应该係啦，呵呵，都冇问过waiter）

接下来，就到呢个蒜蓉包啦

个人感觉，蒜蓉包，顾名思义，就肯定会有好多阵蒜蓉味噶啦，好多人都会话，蒜蓉噶话，食完咪就有好多蒜蓉味咯（哈哈，呢个5驶我讲，大家都应该知道噶啦），但系我就5多觉得呢个食完之后有好大阵蒜蓉味咯，因为佢啲面包仲有浓郁嘅牛奶味，好正噶，食完之后，蒜蓉味就冇咩，反而牛奶味就重啲，唔知係咪因为放得太耐噶原因（呢个都係我去到嘅时候就经已摆咗喺台面啦，又一次为我嘅迟到感到愧疚>_<）中间嘅面包经已冇咁脆啦，但系边边果啲仲係好脆噶，中间部分就偏咸些少，边边部分就ok，但系就蒜蓉味冇咁重咯

我嚟到一阵啦，呢度噶服务员先上个传说中嘅餐前小食，唔记得係咩橄榄汁+面包啦

个人感觉，我觉得个面包都唔错，好松脆，因为出面係有些少硬噶，而呢个唔知乜嘢沟埋一齐嘅橄榄油汁，一开始食噶时候可能你会觉得5咪好岩口味，但系，我食第二件嘅时候，竟然有出奇嘅体验，慢慢咁去体会，其实，呢种口味我觉得都ok

跟住，就到  烤砂锅芝士配帕尔玛火腿

个人感觉，哈哈，呢个睇上去嘅卖相係咪好诱人呢？嗯，确实係啊，好浓郁嘅芝士味啊而家讲翻起身都流晒口水呀，哈哈，面头果啲係火腿嚟噶，但系我本人就认为咸咗啲咯（其实当时去试食嘅好多tx都係咁认为噶，嘿嘿），里面係一个面包里面，而且有好多芝士喺度，有三层咁多啊，上面一层，中间夹心一层，底下又有一层，啲芝士食上去，口感好“烟韧”呀，闻起身，好浓郁嘅芝士味，但系食起身呢，又5会话好腻嘅感觉，俾人一种好清新嘅feeling，不过，我都係钟意食重味少少芝士好似珍珍意粉嘅芝士咁重，哈哈

接下来，就到我最爱嘅薯仔出场啦，土豆饼 

个人感觉，呢个睇上去似薯仔炒蛋多啲咯，哈哈，事实上，呢个薯仔饼就係同鸡蛋&薯仔组成噶，睇上去，卖相係咪好好呢，黄金黄金咁，好诱人噶，哈哈（其实係啲薯仔诱惑我啫，因为薯仔係我嘅大爱啊），土豆饼，咸淡适中，而且薯仔仲要煮得够晒棉（果个字5咪好识打啊），有种入口即融嘅感觉，鸡蛋嘅熟度亦都掌握得相当好，刚好熟

下面呢个係墨鱼汁意粉

个人感觉，如果你以为墨鱼汁意粉係攞墨鱼汁嚟捞意粉，咁你就错啦，事实上，佢係攞墨鱼汁嚟加工过啲意粉，用番茄酱嚟捞噶，其实，我当时都系咁认为噶，点知，一上到台，见到黑妈妈嘅意粉，可能你会有啲5咪咁习惯咯，事关我地平时食嘅意粉都係奶白色嘅，我个人认为，墨鱼汁嘅味道我就5咪好食得出，但系，浓郁嘅番茄味我就食到啦，事关佢呢度用嘅番茄酱，可以咁讲，係浓缩型噶，好稠（又5识打呢个字啦，哈哈），我从来都未食过咁嘅番茄酱嘅，同M、K果啲，根本上就5咪一个档次嘅，食上去，简直就好似係食新鲜嘅番茄肉咁吖（好明显，可以喺上面见到啲番茄肉，眞系冇花冇假噶）

继墨鱼汁意粉之后，又一意粉出场啦，噔噔噔噔，     芝士廉汁烟肉意粉  

个人感觉，呢个睇上去，感觉係咪舒服过上面果个墨鱼汁意粉呢？一上台噶时候，又係一阵芝士味飘过来，由于我地挂住欣赏&帮佢影相，搞到冻晒咯，啲芝士都经已“痴”埋晒啦，浓淡适中嘅芝士味，配搭浓郁嘅烟肉，简直係perfect啊，可能当时经已冻咗，味道冇咁好，果然，啲餸眞系要趁热食噶，哈哈

下面，就到烟熏鸭胸肉配红酒汁出场啦

个人感觉，大家睇上去，呢个卖相係咪亦都係好诱人呢，冇错，而家睇翻起身，眞系觉得好诱人噶，红色，俾人嘅感觉就係诱人，淡淡嘅红酒味，配搭鸭胸肉，入口清新，5会油腻，而且，隔离仲有啲土豆泥喺度，食完一旧鸭胸肉，再毕多一羹土豆泥，呢种配搭，眞系唔错

最后出场嘅係吞拿鱼比萨 

个人感觉，又係一个好吸引人嘅pizza，上面有好多吞拿鱼噶，都係果句话啦，由于我地挂住影相，冇及时咁去消灭呢个引人犯罪嘅pizza，搞到啲pizza冻咗，虽然係咁，但系，味道都仲係唔错噶，吞拿鱼好多，个pizza眞系好薄，我都係第一次食咁薄皮嘅pizz咋，以前喺pizza hut 同棒！约翰里面食嘅都5同feel嘅，啲皮好脆，但系5会话硬，原来，薄皮嘅pizza係咁好味噶喔，hoho（大乡里出省城呀）

最后嘅係四个甜品，提拉米苏、香蕉pancake & 芝士蛋糕

个人感觉，提拉米苏甜而不腻，香蕉pancake有好浓郁嘅香蕉味，里面仲有好大块嘅香蕉喺度，货真价实，但系我地食嘅时候，啲ice-cream经已融咗不少啦，555，又浪费晒啊>_<，而芝士cake呢，芝士味5咪话好浓，但系亦都算ok

卒之编辑完毕咯，分咗好多次嚟编辑呀>_<

不过呢次试食之旅咁开心，都算係值得噶好开心啊