本年遭遇第一间欺诈性经营：绿茵阁江南西店

新鲜热辣点评，刚刚吃完翻来，一肚气，好耐无发帖踩无良食肆，唔忍你！！！

大年初二，去人地度拜年，之后同人去新一城噶绿茵阁（果度师傅手势可以，环境格调都可以），但去到，大佬，二三十人系度等位，无办法又唔想扫朋友兴，就近去咗江南西路噶绿茵阁（因为呢度口碑唔好，所以一直我都唔去呢间噶）

门面就完完全全属于我朋友所讲“如果唔係你行入去我都睇唔到呢度係绿茵阁门口”，有前后两个门，一样咁“小气”。

上到去，等位噶人唔多，好快就有位（预左噶喇，因为门面同口碑仲有实实在在噶环境装修问题，呢度肯定无新一城咁多人）

接下来噶睇menu等上菜省略，一如既往。唔可以唔提噶係呢度噶通风设施真係好差，虽然见到好多通风口但我怀疑係唔係都係塞噶，一有台上铁板菜式，一淋汁，马上一股青烟充斥咗成个空间（今晚吃完翻到屋企冲凉除衫噶时候，个身好大阵铁板烧同泰皇炒饭味，阴功，好似翻咗二十年前咁）

一个泰皇炒饭（我到绿茵阁必点），一个扒肉眼扒，一个茄汁鸭腿，一个鮰鱼扒，一个大size牛仔肶（1000g）

泰皇炒饭都可以，有薄荷叶（好多店无落），海鲜用料较少，但都可以接受，不过上来噶时候基本已经无热气，可以睇得出炒起好耐，唔新鲜。

扒肉眼扒，七成，铁板，洋葱汁，肉眼扒来讲都算老身（扒本身噶肉质，唔係讲火候老）

茄汁鸭腿，啲皮烤到韧到齿唔郁，大佬我啲牙力一向都吃到软骨噶，你啲鸭皮都好劲嗟。味道仲差过烧腊档噶烧鸭肶，关节部位噶肉仲好生，BS

鮰鱼扒煎得都仲可以，不过无咩味道，麻麻，而且份量薄薄两小片，收我42蚊，你都好好赚嗟。

全晚噶重点中噶重点，令我好似时光倒流到2009年1月1日，地点係呢间绿茵阁附近噶新泰乐江南西店遇到噶欺诈性消费待遇一样

（详情可以睇呢度“http://www.dianping.com/review/12671748”
就唔详述喇）

我点噶明明就係1000g噶牛仔肶餐（小噶500g，42蚊；大噶1000g，78蚊）
上到来我一睇，点解咁少嘎？叫部长来，我话我叫噶係大噶牛仔肶啵，个戴眼镜噶部长（以下简称“四眼部长”，无贬义，我自己都戴眼镜）行过来睇咗睇话：“係啊，呢份就係大噶”
我话：“我以前吃过两次牛肶餐，明显就大份好多噶，你地係唔係上咗小噶俾我啊？” （我已经俾晒台阶佢落，点知佢都係发挥服务性行业噶一贯态度：死不认账！！！）
四眼部长又睇咗睇：“唔错啦，呢种就係大噶喇~！”
我比划俾佢睇话：“你睇下呢堆嘢有无1000g？”
四眼部长好明显犹豫了一下，但都係坚持话“1000g唔係话食品上到来有1000g，食品加工过程会流失水分，呢个係大噶喇”

！！！！！！（火滚）

我姑且以退为进“咁算喇，无嘢喇”

等个四眼部长走开咗，我直接去柜台度查92号台张单，小喇叭！厨房果度明明就同我落单落咗500g噶牛仔肶，个四眼部长简直就唔係人，睁着眼睛说瞎话，你这个败类，人渣，贱精一个！！！

后来仲有余兴节目，例如我地果张台果边噶顶灯烧坏了，乌灯黑火，服务人员交班，但工作就无交接好，全场度度都催单，旁边果张台一个菜足足从八点等到九点都无上来（期间已经催几次），最后吵住埋单了事。

大过年的，来你们这吃顿饭是给你面子，你把客人都惹毛了你有好处？做不了，人手不够，管理不善，就别学人节日开门，就为了赚节日客人的钱把客人都得罪了以后不来了，杀鸡取卵，你们这里就一群经营菜鸟，不过广州人多，你们欺诈了一批还有另一批，你们就一群没良心的败类，懂？

我唔知道绿茵阁噶高层会唔会派人留意DP，但我都要讲：
绿茵阁，江南西路分店，2010年2月16日，19：00~21：00，

带眼镜噶四眼部长（西装，瘦长脸，小眼睛，一脸奸相）

你TM就不是人！